Article Submission തിരുത്തുക: Coco-Colakk-Oru-CDS-Oonnuvati

Free text:

{{MalayalamArticle |Displayname=കൊക്കകോളയ്‌ക്ക്‌ ഒരു സി.ഡി.എസ്‌. ഊന്നുവടി |Author=പി എൻ വേണുഗോപാൽ |Published date=2008-04-24 |Intro=പ്ലാച്ചിമടയിലെ ഭൂജലശോഷണത്തിനു കാരണമെന്ത്‌? കൊക്കകോള കമ്പനി? ആവാം, ആയിരിക്കാം. എന്നാൽ ഏതാണ്ട്‌ തുല്യ ഉത്തരവാദിത്വമാണത്രെ പ്ലാച്ചിമടയിലെ കർഷകർക്കും. |Content=പ്ലാച്ചിമടയിലെ ഭൂജലശോഷണത്തിനു കാരണമെന്ത്‌? കൊക്കകോള കമ്പനി? ആവാം, ആയിരിക്കാം. എന്നാൽ ഏതാണ്ട്‌ തുല്യ ഉത്തരവാദിത്വമാണത്രെ പ്ലാച്ചിമടയിലെ കർഷകർക്കും. Coco Cola Factory gate പ്ലാച്ചിമടയിലെ ഭൂജലശോഷണത്തിനു കാരണമെന്ത്‌? കൊക്കകോള കമ്പനി? ആവാം, ആയിരിക്കാം. എന്നാൽ ഏതാണ്ട്‌ തുല്യ ഉത്തരവാദിത്വമാണത്രെ പ്ലാച്ചിമടയിലെ കർഷകർക്കും. അവരിൽ നല്ലൊരു വിഭാഗം നെൽകൃഷിയും പരുത്തിയും നിലക്കടലയും ഉപേക്ഷിച്ച്‌ തെങ്ങുകൃഷി തുടങ്ങി. തെങ്ങിൻതൈകൾ നനയ്‌ക്കാൻ അമിതമായി ജലമുപയോഗിച്ചു. തേങ്ങയ്‌ക്കു വില കുറഞ്ഞപ്പോൾ തെങ്ങുകൾ ചെത്താൻ കൊടുത്തു. കൂടുതൽ കള്ളു കിട്ടാൻ കൂടുതൽ നനച്ചു. അതിനായി കുഴൽക്കിണറുകൾ കുഴിച്ചു. ഇതാണ്‌ പ്ലാച്ചിമടയിലെ ഭൂജലശോഷണത്തിന്റെ ഒരു മുഖ്യകാരണം. തിരുവനന്തപുരം ആസ്ഥാനമായുള്ള സെന്റർ ഫോർ ഡെവലപ്‌മെന്റ്‌ സ്റ്റഡീസിന്റെ (സി.ഡി.എസ്‌.) ഡയറക്ടർ ഡോ. കെ. നാരായണൻനായർ, സി.ഡി.എസ്സിലെ തന്നെ ഡോ. ആന്റണി ടോപാൾ, പ്രൊഫ. വിനീതമേനോൻ എന്നിവർ ചേർന്നു രചിച്ച 'വാട്ടർ ഇൻസെക്യൂരിറ്റി, ഇൻസ്റ്റിറ്റിയൂഷൻസ്‌ ആൻഡ്‌ ലൈവ്‌ലിഹുഡ്‌ ഡൈനാമിക്‌സ്‌ - എ സ്റ്റഡി ഇൻ പ്ലാച്ചിമട' എന്ന പുസ്‌തകത്തിലാണ്‌ ഈ കണ്ടുപിടിത്തം. ജലത്തെ കേന്ദ്രീകരിച്ചുകൊണ്ടുള്ള തർക്കങ്ങളും യുദ്ധങ്ങളും വ്യാപകവും തീവ്രവുമായിക്കൊണ്ടിരിക്കുന്ന ഈ കാലഘട്ടത്തിൽ അവയുടെ സ്വഭാവവും മൂലകാരണങ്ങളും ഈ യുദ്ധങ്ങൾ ഗ്രാമീണ ഉപജീവനമാർഗങ്ങളെ എങ്ങനെ ബാധിക്കുന്നു എന്നതും വേണ്ടത്ര പഠനവിധേയമാക്കിയിട്ടില്ലെന്നും പ്ലാച്ചിമടയിൽ നടത്തിയ ഈ പഠനം ആ ദിശയിലുള്ള ഒരു ശ്രമമാണെന്നും ഗ്രന്ഥകർത്താക്കൾ ആമുഖത്തിൽ വ്യക്തമാക്കുന്നുണ്ട്‌. നാലു വർഷമോ അതിലേറെയോ നീണ്ട പഠന/നിരീക്ഷണങ്ങളിൽനിന്ന്‌ ഉരുത്തിരിഞ്ഞുവന്ന നിഗമനങ്ങളാണ്‌ ഈ പുസ്‌തകത്തിൽ. പഞ്ചായത്ത്‌, ഭൂജലവകുപ്പ്‌, മലിനീകരണ നിയന്ത്രണബോർഡ്‌, സംസ്ഥാന സർക്കാർ, കോടതികൾ തുടങ്ങിയ പൊതുസ്ഥാപനങ്ങൾ പ്ലാച്ചിമടയിൽ വഹിച്ച പങ്ക്‌ പഠനവിധേയമാക്കുന്നുണ്ട്‌. അന്നത്തെ ഇടതുപക്ഷസർക്കാർ കൊക്കകോളയെ പ്ലാച്ചിമടയിലേക്കു ക്ഷണിച്ചതു മുതൽ കമ്പനി പൂട്ടിയതും കമ്പനിക്ക്‌ അനുകൂലമായി കേരള ഹൈക്കോടതി വിധി വന്നതും അതിനെതിരെ സുപ്രീംകോടതിയിൽ സർക്കാർ അപ്പീൽ കൊടുത്തതും കൊക്കകോള വിരുദ്ധസമരസമിതിയുടെ നേതൃത്വത്തിൽ നടന്ന സമരവും മാധ്യമങ്ങളുടെ പങ്കും ബി.ബി.സി.യുടെ ആഭിമുഖ്യത്തിൽ ഖരമാലിന്യങ്ങളിൽ മാരകവിഷങ്ങളുടെ സാന്നിധ്യം കണ്ടുപിടിച്ചതും 73-74 ഭരണഘടനാഭേദഗതികൾ വഴി പഞ്ചായത്തിനു ലഭ്യമായ അധികാരങ്ങളും ഭൂജലത്തിന്റെ ഉടമയാര്‌ എന്ന നിർണായകചോദ്യവും ഗ്രന്ഥകർത്താക്കൾ വിശകലനം ചെയ്യുന്നുണ്ട്‌. [[File:Coco-Colakk-Oru-CDS-Oonnuvati-2.jpg|thumb|300px||]] സെന്റർ ഫോർ ഡെവലപ്‌മെന്റ്‌ സ്റ്റഡീസ് എന്നാൽ നിഗമനങ്ങളിലേക്കും ശുപാർശകളിലേക്കും എത്തുമ്പോഴാണ്‌ ശരികേടുകൾ പൊങ്ങിവരുന്നത്‌. പ്ലാച്ചിമടയിലെ ജലശോഷണത്തിന്‌ ഒന്നിലേറെ കാരണങ്ങളുണ്ടെന്ന്‌ ഈ പഠനം പറയുന്നു. പഠന വിധേയമാക്കിയ പ്രദേശത്ത്‌ തുടർച്ചയായുള്ള വർഷങ്ങളിൽ മഴയുടെ ലഭ്യതയ്‌ക്കുണ്ടായ കുറവ്‌, പറമ്പിക്കുളം ആളിയാർ പദ്ധതിയുടെ പരാജയം, കുഴൽക്കിണറുകളുടെ എണ്ണത്തിലുണ്ടായ വർധനയും അവയുടെ ആഴം കൂട്ടലും, കുളങ്ങൾവഴി പരമ്പരാഗതമായി നിലനിന്നിരുന്ന ജലസേചനത്തിന്റെ അപചയം എന്നിവയാണ്‌ പ്രതിസന്ധിയുടെ പ്രധാന കാരണങ്ങൾ. ഈ പ്രശ്‌നങ്ങളുടെയൊപ്പം കൊക്കകോള കമ്പനി ദിവസവും അഞ്ചു ലക്ഷം ലിറ്റർ ഭൂജലം എടുക്കുകകൂടി ചെയ്‌തത്‌ ജലക്ഷാമത്തെ രൂക്ഷമാക്കി. പെരുമാട്ടി പഞ്ചായത്ത്‌ സ്ഥിതിചെയ്യുന്ന ചിറ്റൂർ ബ്ലോക്കിൽ കാലാകാലങ്ങളായിത്തന്നെ കേരളത്തിൽ ആകെ ലഭിക്കുന്ന ശരാശരി മഴയിൽനിന്ന്‌ വളരെക്കുറവു മഴയേ ലഭിക്കാറുള്ളൂ. കേരളത്തിൽ ആകെ മഴ കുറയുന്ന വർഷങ്ങളിൽ ചിറ്റൂരിലും പെരുമാട്ടിയിലും ആനുപാതികമായി മഴ കുറയുക എന്നത്‌ സ്വാഭാവികം മാത്രം. തുടർച്ചയായി മൂന്നുവർഷംപെരുമാട്ടിയിൽ മഴ കുറവായതാണ്‌ ജലശോഷണത്തിന്‌ കാരണമെന്ന്‌ 2005-ൽതന്നെ കൊക്കകോള അവരുടെ വെബ്‌സൈറ്റിൽ കൊട്ടിഗ്‌ഘോഷിച്ചിരുന്നു. ഈ നിഗമനത്തിൽ എത്താൻഇത്തരമൊരു ഗവേഷണത്തിന്റെ ആവശ്യമുണ്ടായിരുന്നില്ല. അവരുടെ നിഗമനംകിറുകൃത്യമാണ്‌ എന്ന്‌ സാക്ഷ്യപത്രം നല്‌കലായിരുന്നോ ഗവേഷണലക്ഷ്യം? പറമ്പിക്കുളം-ആളിയാർ പദ്ധതിയിൽനിന്ന്‌ ഉടമ്പടിപ്രകാരം തമിഴ്‌നാട്ടിൽനിന്നു ജലം ലഭിക്കാത്തത്‌ പാലക്കാട്‌ ജില്ലയിലെ അനേകം പഞ്ചായത്തുകളെ ബാധിക്കുന്ന കാര്യമാണ്‌. തലക്കുളങ്ങളിൽനിന്നുള്ള ജലസേചനം പഴങ്കഥയായതും പെരുമാട്ടിയിൽ മാത്രമല്ല. ഇനിയുള്ളത്‌ കുഴൽക്കിണറുകളുടെ എണ്ണത്തിലുണ്ടായ വർധനയാണ്‌. വളരെ ശാസ്ര്‌തീയമായി പഠനം നടത്തുന്ന സി.ഡി.എസ്സുകാർക്ക്‌ പക്ഷേ, അവർ പഠനവിധേയമാക്കിയ പഞ്ചായത്തിലെ എട്ടും ഒൻപതും വാർഡുകളിൽ എത്ര കുഴൽക്കിണറുകൾ ഉണ്ടായിരുന്നു എന്നറിയില്ല. ഇപ്പോൾ, അല്ലെങ്കിൽ അവർ സാമ്പിൾ ശേഖരിച്ച 2004-ൽ എത്ര കുഴൽക്കിണറുകൾ ഉണ്ടെന്ന്‌ അറിയില്ല. അതു 'ലഭ്യമല്ല' എന്ന്‌ യാതൊരു സങ്കോചവുമില്ലാതെ പറയുന്ന അവർക്ക്‌ കുഴൽക്കിണറുകളുടെ എണ്ണവും ആഴവും വർധിച്ചു എന്നു തറപ്പിച്ചുപറയാൻ യാതൊരു മടിയുമില്ല. (കൊക്കകോള കമ്പനിക്ക്‌ പക്ഷേ, ഇതു തിട്ടമുണ്ട്‌. 150 എന്ന്‌ അവർ വെബ്‌സൈറ്റിൽ പറയുന്നു. തങ്ങൾക്ക്‌ കേവലം ആറേ ഉള്ളൂവെന്നും കർഷകരുടെ കുഴൽക്കിണറുകളാണ്‌ തങ്ങളുടേതല്ല ജലശോഷണത്തിനു കാരണമെന്നും അവരും തറപ്പിച്ചു പറയുന്നു.) |AuthorPhoto=പ്രമാണം:Author-P N Venugopal.jpeg |AuthorPhoto_caption=പി എൻ വേണുഗോപാൽ |Image1=Coco-Colakk-Oru-CDS-Oonnuvati-1.jpg |Image1_caption=കൊക്കോകോള ഫക്ടറി ഗേറ്റ് |image2=Coco-Colakk-Oru-CDS-Oonnuvati-2.jpg |highlight1=ഈ പുസ്‌തകം സാധിച്ചെടുക്കുന്നതെന്താണ്‌? പ്ലാച്ചിമടയിൽ ആറുവർഷമായി നടന്നുപോരുന്ന സമരത്തിന്റെ അടിസ്ഥാന ആശയങ്ങൾ തെറ്റായിരുന്നോ എന്ന്‌ ചിലരിലെങ്കിലും ആശങ്ക ജനിപ്പിക്കുന്നു. അന്താരാഷ്ട്ര സമൂഹത്തിൽതന്നെ കോർപ്പറേറ്റ്‌ സ്വേച്ഛാധിപത്യത്തിന്റെയും അധിനിവേശത്തിന്റെയും പ്രതീകമായി പ്ലാച്ചിമട മാറിയിരുന്നു |highlight2=പെരുമാട്ടി പഞ്ചായത്ത്‌ സ്ഥിതിചെയ്യുന്ന ചിറ്റൂർ ബ്ലോക്കിൽ കാലാകാലങ്ങളായിത്തന്നെ കേരളത്തിൽ ആകെ ലഭിക്കുന്ന ശരാശരി മഴയിൽനിന്ന്‌ വളരെക്കുറവു മഴയേ ലഭിക്കാറുള്ളൂ. |Category=പരിസ്ഥിതി |ContinueReading=Ottaal }} [[Category:Article]]